BOKAEDI:
POLOKEGO YA DIJO LE NETEFALETSO YA BOLENG
BOKAEDIPOTLANA:
TSHEDIMOSETSO YA DIKUMO TSA TEMOTHUO
Ditiro le Maikarabelo a Bokaedipotlana
Tshedimosetso ya Dikumo tsa Temothuo
MAIKAELELO-MAGOLO
Maikaelelo a Bokaedipotlana Tshedimosetso ya Thotloetso ya Temothuo ke go netefatsa tsamaiso e e siameng ya kwadiso le taolo ya tokafatso ya Temothuo (kumo le ditirelo) ka go dirisa mekgwa e e maleba e e siameng ya kwadiso, go ditlhokego tse di dumeletsweng tsa polokego, tsa nonofo le tsa boleng. Taolo go ya ka Molao No 36 wa 1947 wa ditheo tseo tsa kumo ya temothuo ke go rotloetsa botshelo jwa boleng ka kakaretso.
Peomolao (Molao 36 wa 1947 le Melawana)
Menontsha, Difuru tsa Polasa, Dithusi tsa Temothuo le Dithusi tsa Leruo (Molao No 36 wa 1947) o ne wa tlhagisiwa go tlamela ditsela le mekgwa e e siameng ya go tsamaisa kwadiso ya menontsha, ya difuru tsa polasa, ya Dithusi tsa Temothuo, ya Dithusi tsa Leruo, ya Ditlhare tse di Opafatsang le ya Badirisi ba Taolo ya Diji.
MAIKAELELO
Taolo e e siameng ya ditheo tsa tokafatso ya kumo ya temothuo (APEA) go ya ka Molao No 36 wa 1947.
Maitlhomo
Tsamaiso ya Molao No 36 wa 1947 le melawana
Go sekaseka, go kwadisa le go laola APEA go ya ka melawana e e dumeletsweng, ditlhokego, dipholisi le dipeomolao tse di maleba
Go netefatsa kobamelo ya ditlhokego tsa Molao le Melawana
TSHEDIMOSETSO YA TIRO/MAPHATA
Setshwantsho sa kelelo ya tiro:
Tsamaiso ya Kwadiso
Maikaelelo
Go tlhokomela dikopo tsa kwadiso ya tirelo le kumo go ya ka mekgwa e e tlhagisitsweng, le melawana.
MAIKARABELO
Go thusa ka peomolao, ka mekgwa e e tlhagisitsweng, le ka dikaelo.
Go keleka le go sekaseka dikopo le go tlamela badirelwa ka tirelo.
Go netefatsa kamogelo ya ditšhelete tsa kwadiso tse di nepagetseng.
Go laola le go dumelela papatso ka ga APEA.
Go amogela le go sekaseka kgotsa go romela dingongorego kwa dikantorong tse di maleba.
Go gokaganya le go tlhaeletsana le Mekgatlho ya indaseteri, Beng ba Kwadiso, badirelwa le setšhaba ka kakaretso.
Go rotloetsa, go laola le tokafatsa thebolo ya ditirelo e e maleba le melawana ya kgotsofalo ya badirelwa.
Go obamela melawana ya Batho pele.
Kgakololo ya Setegeniki
MAIKAELELO
Go gakolola Mokwadisi ka ga dintlha tsa setegeniki tse ba di neetsweng ke Mokwadisi, le go di bega ka mokgwa le ka tsela e e tlhagisitsweng.
MAIKARABELO
Go sekaseka le go tlhagisa dikatlanegiso ka ga dikopo tsa kwadiso go ya ka dikaelo tse di dumeletsweng, melawana, ditlhokego, dipholisi le peomolao e e maleba.
Go keleka papatso ya kwadiso ya kumo e e tshisintsweng malebana le nepagalo ya saense.
Go rulaganya dikaedi (dikumo) le go tlamela ka tshedimosetso mabapi le dikumo tse di kwadisitsweng le dintlha tse di maleba.
Go gokaganya le mafapha a puso, indaseteri, beng ba kwadiso, banni-le-seabe le badirelwa ka tlhomamo.
Go thusa ka go tlhagisa dikaelo, melao le tlhabololo ya peomolao.
Ditirelo tsa Tlhatlhobo
MAIKAELELO
Go tsamaisa tlhatlhobo ya tirelo e e nonofileng gape e le maleba go netefatsa phokotso ya ditlolomolao le go dira go go seng mo molaong ga ditheo tsa tokafatso ya temothuo (dikumo le ditirelo).
MAIKARABELO
Go dira ditlhatlhobo tse di tswelelang go netefatsa kobamelo ya melao, melawana le Molao (Molao No 36 wa 1947).
Go dira ditiro tsa tlhomamo tsa sampole go netefatsa fa ditirelo le dikumo tsa boleng di le teng go badirisi.
Go tlhagisa ditsela tsa bosenyi fa dithekiso tse di seng mo molaong, tiriso kgotsa ditiro tsa go bopa di lemogiwa kgotsa di begiwa (dipatlisiso)
Go netefatsa tshepo ya badirisi mo dikumong tse di kwadisitsweng.
Ka moo Maikaelelo a fitlhelelwang ka teng
Tona e thapa motlhankedi mo Lefapheng la Temothuo jaaka mokwadisi yo o tshwanetseng, go ikaegilwe ka ditaelo tse di rebolwang ke tona, go diragatsa dithata, go dira tiro le go dira merero e e rwesiwang kgotsa e e neelwang mokwadisi go ya ka Molao o o kailweng.
Ikgolaganye le:
Mogala: 319-7910
Fekese: 319-7179
Ditiro tse di botlhokwa tsa Bokaedipotlana
Go netefatsa dikwadiso tse siameng tsa ditheo tsa dikumo tsa temothuo (dikumo le ditirelo).
Popego ya ditlhokego tsa dikumo tse di kwadisitsweng e e tsamaelanang le ditlhokego tse di dumeletsweng tsa polokego, tsa nonofo le tsa boleng.
Go tlamela ka kaelo go beng ba kwadiso le setšhaba mabapi le ditheo tsa tokafatso ya kumo ya temothuo tse di maleba.
Go rotloetsa le go netefatsa tirelo ya kgakololo ya setegeniki e e malebana le makwalokopo otlhe a kwadiso, ditlhokego, melawana, dikaelo, pholisi le peomolao.
Mekgwa e e maleba e bile e amogelesega ya tlhaeletsano le:
Beng ba kwadiso, mekgatlho ya Indaseteri le setšhaba ka kakaretso
Go tokafatsa tolamo ya kgwebo
Go tlamela ka tirelo ya tlhatlhobo e e siameng e bile e lolame.
BOKAEDI: POLOKEGO YA DIJO LE NETEFALETSO YA BOLENG
BOKAEDIPOTLANA:
TSHEDIMOSETSO YA DIKUMO TSA TEMOTHUO
Mokwadisi
Mogala: 012 319-7910 / Fekese: 012 319-7179
